foschingsgropfm in da sun
rode eia in da stum
waunsd faun matzleinsdoafablozz
noch leboidau inan
rauchawagaun foasd
fäusd nocha wira stingaz xöchz
i bin zdrukd wira
schneizgattn de wosd
fiazendog in hosnsog
umanaundazaasd
i bin laa wia da
dopla dea wos
unta mein bet
umanaundaligd
waunsd amoi an hundata
augrissn hosd
kaunzt goaned so schnö
schaun isa fuat
in disea beriode
in der was ich jezd bin
foid mas denggn schwea
mich zeabröselt es
und es geed einfoch
nichd mea weita
mexd an kaudsche?
so an flochn mid koalmeibüdln?
des büdl muassd ma auwa gem
wäu i saummes
i hob scho a gaunzes album zaum
und an haufm dopede
nau gee gib hea des koalmeibüdl
heast i hau dar ane owe
i sox mein baba
dea haud de in donaukanäu
gib des büdl hea blede sau
dia giwi nix mea
brauxd goa nimma zu uns kumma
und muang in da schui hap i da
de bleischdifd undfüfedan
und faschdex dasdas nimma finzd
und des blede büdl kaunzda ghiodn
des hobi ee scho
so a bleedsin
so a schaas
fuagesdan hob i mei
gidaa in da schnöbaun linglossn
fuatiss
hobs e scho laung gnua ghobd
a boa schraum haum a scho gföd
i gee goaned aufs fundaumt
wäu de gidaa is a
earinarung aun mei ex
(auf dee i no ollawäu schdee)
feleichd fagisis jez schnöla
sois schdauwech wean
auf an fagessanan regaal
aufm fundaumd in da wasagossn
geschriiben in di 70er, stak beeinflusd von h.c. artmanns „schwoazza dintn“